Nju Jorku konfirmoi 758 vdekje të reja nga COVID-19 dhe vdekjet totale u rritën në 9.385

20:43 | 12 Prill 2020
Arbresh Info

Guvernatori i shtetit, Andrew Cuomo, raportoi se kurba e vdekjeve dhe e pacientëve që po shtrihen në spitale po bie.

Megjithatë, ai shpjegoi se ende nuk ka ndonjë rënie të theksuar. Për të hequr mbylljen, tha ai, do të duhen më shumë teste,

“758 njerëz vdiqën dje nga COVID-19. Ky është një numër që shpresoj ta shoh duke rënë, por duket se edhe kurba e numrit të vdekjeve po bie”, raportoi Andrew Cuomo, guvernatori i shtetit të Nju Jorkut.

Me këto të dhëna të reja, numri i përgjithshëm i vdekjeve u rrit në 9.385.

Guvernatori e krahasoi pandeminë COVID-19 me ngjarjen e 9/11. “Kjo është tragjedia më e madhe që po jetoj dhe ai tha se viktimat nga COVID-19 në Nju Jork janë tashmë tre herë më shumë sesa sulmet në Kullat Binjake”, u shpreh Cuomo.